THE YOUNG LAIRD and EDIN-
BURGH KATY.
|
NOW wat ye wha I met the Streen,
|
coming down the Street my Jo?
|
My Mistress in her Tartan Skreen,
|
sow Bonny braw, and sweet my Jo:
|
My Dear, quoth I thanks to the Night,
|
that never wish't a Lover ill,
|
Since ye're out of your Mother's Sight,
|
let's take a wake up to the Hill.
|
O Katy, wilt thou gang with me,
|
and leave the dinsome Town a while,
|
The Blossoms spruting frae the Tree,
|
and a the Summers gawn to smile,
|
The Mavis, Nightingale, and Lark,
|
the bleating Lamb and whisling Hynd,
|
And ilk Dale, Green Shaw, and Park,
|
will nourish Health glad your Mind.
|
Soon as the clear good Man of Day,
|
bends his Morning Draught of Dew,
|
We'll gae to some Burn-side and play,
|
and gather Flowers to busk your brow:
|
We'll pow the Deazies on the Green,
|
the lucken Gowans from the Bog,
|
Between Hands now & than we'll lean,
|
and sport upon the Velvet Fog.
|
There's up into a pleasant Glen,
|
a wie Pice frae my Father's Tower,
|
A cany soft and flowry Den,
|
which airling Birks has form'd a Bower;
|
When e're the Sun grows hot and warm,
|
we'll to the cauler Shade remove,
|
There will I lock thee in my Arm,
|
and love and kiss, and kiss & love.
|
Katy's Answer.
|
MY Mother's ay glouring o'er me,
|
Tho' she did the same before me,
|
I cannot get leave
|
to look to my Love,
|
Or else she'll be like to devour me,
|
Right fain woo'd I take ye'r offer,
|
Swet Sir, but I'll Tine my Tocher
|
Then Sandy ye'll fret,
|
and wyt your poor Kate,
|
When e'er ye seek in ye'r toom Coffer,
|
For tho' my Father has plenty,
|
Of Silver and Plenishing dainty;
|
Yet he's unco swear
|
to twin wi his Gear,
|
And sae we had need to be Tenty:
|
Tutor my Parents wi Caution
|
Be wylie in ilk a Motion,
|
Brag well o' ye'er Land,
|
and there's my leal Hand,
|
Win them, I'll be at your Devotion.
|
|
|
|
|
|