Kingis Complaint
|
WIth havie hart on Snadoun hill,
|
Ane young King I hard schout and schill
|
With reuthfull rair he did record:
|
Prayand as I haif writ this bill
|
Judge and Revenge my cause O Lord.
|
He sayis this causles I not craif,
|
Hor he is now gone to his graif
|
My commoun weill that maist decorde,
|
Na merwell albeit my hart claif
|
For sorrow of his deith O Lord.
|
Hard is my chance all tyme and houris
|
And harder to my Governouris,
|
The hardest (bot wo am I forde)
|
To him hes felt of deith the schouris,
|
And only for thy cause O Lord.
|
Quhen I was not yit ane yeir auld,
|
Bothwell that bludy Bouchour bauld,
|
My Father cruelly devorde,
|
He him betrayit and his blude sauld,
|
Judge and Revenge my cause O Lord.
|
Than Father slaine, Mother was schent
|
My Gudschir flemit Incontinent,
|
My self to poysoun it was schorde,
|
Me to betray was summis Intent
|
Judge and Revenge my cause O Lord.
|
Than up thow rasit to reule my Ring,
|
In to my tender yeiris ying,
|
My Faithfull freind that maid him forde,
|
James Regent my Uncle ding,
|
Judge and Revenge my cause O Lord
|
He was my Buckler and my beild,
|
He was my Targe, my speir and scheild,
|
My stait maist hie for to restorde:
|
He futtit ever mair the feild,
|
Judge and Revenge his cause O Lord.
|
For me he left Kyn, Freind and wyfe,
|
For me he sufferit daylie stryfe,
|
For me he was haill Indevorde,
|
For me now he hes loist his lyfe,
|
Judge and Revenge his cause O Lord.
|
For me that Nobill of Renoun,
|
With ane Tyke Tratour Hammiltoun,
|
Was schot, and throw the body borde,
|
For the mantening of my Crowne
|
Judge and Revenge his cause O Lord.
|
Peloure thow peirst him, gaif ye peace,
|
Tratoure to him that gaif the grace,
|
Behind his bak thy Gunne him gorde:
|
Quhome thow nor nane of thyn[e dur]st face,
|
Judge and Revenge his cause O Lord.
|
Lord sen my gratious gyde is gone,
|
And I am left as Byrd allone,
|
This thing maist eirnistly I Implorde:
|
That Instantly thow steir up one
|
For to Revenge his cause O Lord.
|
Sen for my saik now he is slane,
|
Lord for thy grace grant me agane,
|
That deith my lyfe never devorde,
|
Quhill that fals tressonabill trane
|
Be with my hand Revengd O Lord.
|
O Scotland thy Josias trew,
|
That first Idolatrie overthrew
|
He was, and Christs trew Kirk restorde,
|
Throw him in my Realme grace ay grew,
|
Judge and Revenge his cause O Lord.
|
He Abrahamis Faith but feir profest,
|
He Davidis mercy manifest
|
With Salomonis wit he was decorde,
|
Sampsonis strenth to him accrest
|
Judge and Revenge his cause O Lord.
|
Theif and Rever he did dant,
|
Justice and vertew he did plant,
|
Quhair thair was mys he gart remorde,
|
My Faithfull servand and thy Sanct,
|
Judge and Revenge his cause O Lord.
|
As his Renoun is all overblawin,
|
And now his deith plainly furthschawin,
|
Sa sall all blyithnes be abhorde
|
Quhill his Revenge be alswa knawin,
|
Throw thy help and support O Lord.
|
All ye my trew Nobilitie,
|
That favourit him, and servit me,
|
Lat not his duilfull deith be smorde,
|
Bot it Revenge maist cruellie
|
For it is the will of the Lord.
|
And quha his deith dois sair regaird,
|
And it to puneis will not spaird
|
I wow to the in quhome he glorde,
|
That sall not mys ane riche rewaird
|
For to Revenge his cause O Lord.
|
Now sall appeir in wark and nature,
|
Quha is the trew man, quha is the trature
|
Quha fittis the feild, quha cuiris not forde,
|
The trew liege be the Rubiature
|
In this cause sal be kend O Lord.
|
And think that thay that did this deid,
|
With lyke effect dois seik my heid,
|
For to be beatin downe and smorde
|
All Faithfull hartis quyte thair meid,
|
And thow Revenge my cause O Lord.
|
For surely thair will and Intent,
|
That seikis of me the Government,
|
Be fraudfull factiounis, I stand forde,
|
Wald me forfault in Parliament,
|
Gif thow withstude thame not O Lord.
|
My Coronatioun thay deny,
|
And dois maist spytefully defy
|
All thame that faithfully restorde,
|
Me to my Crowne and Seignorie
|
Thy michtie hand requyte thame Lord.
|
Last Lord now him of me hes cure,
|
And in quhais handis I think me sure,
|
Thy puissant power I Implorde,
|
That he with me lang dayis Indure
|
For to Revenge his cause O Lord.
|
With this the Babe he gifis ane rair,
|
Quhilk maid my hart to sich sa sair,
|
That farther I culd not recorde,
|
Bot with him sall cry ever mair,
|
Judge and Revenge his cause O Lord.
|
|
|
|
|
|